اوکاڑہ (آن لائن) سپیکر پنجاب اسمبلی چوہدری پرویز اِلٰہی نے کہا ہے کہ وزیر اعلیٰ پنجاب عثمان بزدار کے ساتھ بہترین ورکنگ ریلشن شپ قائم ہے ، ہم نے ماضی میں بھی عوام کی عملی خدمت کی ہے اور اب بھی میوچل کوآرڈینیشن سے عوام کو ہر سطح پر ریلیف پہنچا رہے ہیں ۔ اِن خیالات کا اظہار انہوں نے مسلم لیگ (ق) اوکاڑہ کے رہنماؤں سے ملاقات کے دوران کیا ۔چوہدری پرویز اِلٰہی نے کہا کہ ہم نے اپنے دور اقتدار میں ہر
شعبہ ہائے زندگی میں نئی اصلاحات متعارف کروائیں اور اب بھی اس اتحادی حکومت کیساتھ ہر سطح پر عوام کی خدمت کے لئے کام کررہے ہیں ۔ عوام کی فلاح وبہبود ، تعمیروترقی ، خوشحالی ،روزگاراور وسائل کی فراہمی کو یقینی بنانے کے لئے وزیر اعلیٰ پنجاب کے تعاون سے بھرپور کام کررہے ہیں ۔ہمارا منشور عوامی بھلائی ہے اور ہم نے ہر دور میں وہ اقدامات اٹھائے ہیں جن سے غریب ، محنت کش، مزدوروں اور عام آدمی کو فائدہ ہوا ہے ۔
