مظفرگڑھ(این این آئی)پاکستان تحریک انصاف کے رہنما اور سابق گورنر پنجاب ملک غلام مصطفی کھر کے کتے کے زخمی ہونے کے معاملے میں اہم پیشرفت ہوئی ہے۔ترجمان مظفرگڑھ پولیس کے مطابق ڈی پی او مظفر گڑھ کی ہدایات پر ڈی ایس پی کوٹ ادو اعجاز بخاری نے مقدمے میں نامزد کاشتکار اسماعیل کا بیان ریکارڈ کیا اور حقائق سامنے پر اسکے خلاف کتے کے زخمی ہونے کا مقدمہ خارج کردیا گیا۔پولیس ترجمان نے کہا کہ سابق گورنر
پنجاب غلام مصطفی کھر کا کتا کھلا ہونے کے باعث خود موٹر سائیکل سے جاٹکرایا تھا۔ موٹر سائیکل سوار شہری نے اسماعیل نے کتے کو بچانے کی کوشش کی تھی۔اس حوالے سے پولیس ترجمان کا کہنا تھا کہ پبلک مقام پر پالتو کتا کھلا چھوڑنا بھی غیرقانونی ہے۔واضح رہے کہ مظفرگڑھ کے تھانہ سنانواں میں کتا زخمی کرنے کے الزام میں سابق گورنر ملک مصطفیٰ کھر کے ملازم کی مدعیت میں اسماعیل نامی کاشتکار پر مقدمہ درج کیا گیا تھا۔
