اسلام آباد (مانیٹرنگ ڈیسک) وزیراعظم عمران خان کی جانب سے اقوام متحدہ میں تقریر نے دنیا بھر کے مسلمانوں کو داد دینے پر مجبور کر دیا ہے ۔ وزیراعظم عمران خان کو اسلامی دنیاکا عالمی لیڈر قرار دیا جارہا ہے جبکہ ان کے خطاب کو دنیا بھر میں سراہا گیا جس کا انداز ہ اس بات سے کیا جا سکتا ہے کہ وزیراعظم کی تقریر دیگر عالمی رہنمائوں کے مقابلے میں سوشل میڈ پر ٹاپ ٹرینڈ میں پہلے نمبر پر ہے۔ امریکا کا
کامیاب دورہ کرنے کے بعد وزیراعظم عمران خان وطن عزیز واپس پہنچے تو انہیں اسلام آباد ائیر پورٹ پر امام کعبہ کا جُبہ پہنا گیا ۔ تفصیلات کے مطابق وزیراعظم عمران خان کے وطن واپسی پر ان کا اسلام آباد ائیر پورٹ پر شاندار استقبال کیا گیا ۔ اس موقعے پر پاکستان علما کونسل کے چیئرمین مولانا طاہر اشرفی نے وزیراعظم کو قوام متحدہ میں امت مسلمہ کیلئے دوٹوک موقف اپنانے پر مبارکباد دی اور انہیں امام کعبہ کا جبہ پہنا یا ۔
