لوسانے( آن لائن )نیمار کی سوشل میڈیا پر میچ آفیشلز کی توہین کے لئے چیمپیئن لیگ میں تین میچز کی پابندی اپیل کے بعد کم کرکے دو میچز تک کردی گئی ہے ، یہ فیصلہ کھیل کے لئے ثالثی عدالت (سی اے ایس) نے منگل کو سنایا ہے ۔دنیا کے مہنگے ترین کھلاڑی بدھ کے روز رئیل میڈرڈ اور دو ہفتوں کے وقت میں گلاٹاسارے کے خلاف میچز سے محروم رہیں گے جو کہ

یو ای ایف اے کی جانب سے اصل پابندی کا وقت ہے ، تاہم اب 22اکتوبر کو بیلجیئم ٹیم بروگز کے خلاف میچ کے لئے دستیاب ہوں گے۔برازیلین کھلاڑی نے مارچ میں مانچسٹر یونائیٹڈ کیخلاف پیرس سینٹ جرمین کے آخری سولہ ٹیموں کے مقابلے میں ہارنے کے بعد ریفری اور ان کے معاونین پر تنقید کی تھی ، یہ میچ انہوں نے انجری کی وجہ سے سٹیڈیم سے دیکھا تھا۔