بوسٹن(نیوزڈیسک ) امریکہ میں ہارورڈ یونیورسٹی کو وال سٹریٹ کے ایک نمایاں سرمایہ کار سے 40کروڑ ڈالرز کی صورت میں اپنی تاریخ کا سب سے بڑا تحفہ ملا ہے۔ہارورڈ نے بتایا کہ جان پالسن سے ملنے والے اس فنڈ سے ٹیکنالوجی دنیا میں کرشمے کرنے والے انجینئرنگ اور اپلائیڈ سائنسز سکول کی معاونت کی جائے گی۔حکام نے بدھ کو بتایا کہ سائنس سکول کا نام تبدیل کر کے ’ہارورڈ جان اے پالسن سکول آف انجینئرنگ اینڈ اپلائیڈ سائنسنز‘ کر دیا جائے گا۔انیس سواسی میں ہارورڈ بزنس سکول سے گریجوئشن کرنے والے پالسن انوسٹمنٹ مینجمنٹ فرم ’پالسن اینڈ کو‘ کے بانی اور صدر ہیں۔انہوں نے 1994 میں بیس لاکھ ڈالرز سے کمپنی شروع کی تھی اور اب ان کے پاس 19 ارب ڈالرز ہیں۔ہارورڈ کو ملنے والا یہ تحفہ 2013 میں فنڈز جمع کرنے کیلئے شروع ہونے والی ایک مہم کا حصہ ہے