لاہور( این این آئی )پاکستان مسلم لیگ (ن) پنجاب کے صدر رانا ثنا اللہ خان نے کہا ہے کہ شہباز شریف کی بجٹ تقریر کے بعد کرائے کے ڈیلی ویج ترجمانوں کے گھبرانے کا وقت آ چکا ہے، شہباز شریف کہ بجٹ تقریر نے عمران نیازی اور ان کے کرائے کے ترجمانوں کی چیخیں نکال دی ہیں ۔وزیر اعظم کی معاون خصوصی اطلاعات ڈاکٹر فردوس عاشق اعوان کے بیان پر رد عمل میں رانا ثنا اللہ خان نے کہا کہ شہباز شریف کی بجٹ تقریر کے بعد عوام کی چیخیں نکالنے کی خواہشمند ووٹ چور حکومت کی
چیخیں نکل رہی ہیں۔ فردوس باجی آپ اپنے نئے باس کی نالائقی سے اتنی کنفیوز ہو چکی ہیں کہ جلد آپ کو لیڈر، پارٹی اور نظریہ تبدیل کرنا پڑے گا ۔نواز شریف، شہباز شریف اور مریم نواز کا خوف آپ کے چہرے پرعیاں ہیں ،نیب کو مطلوب حکومتی ترجمان؟ واہ عمران نیازی واہ ،فردوس باجی سرکاری بسوں اور جعلی دوائیوں کی کرپشن کا جواب نہیں ہے تو نیب کو بتائیں ۔انہوں نے کہا کہ دن میں پانچ درجن کرائے کے ترجمان پانچ پانچ بھی جھوٹی پریس کانفرنسیں کریں تب بھی عوام دشمن بجٹ پاس نہیں ہوگا۔
