اسلام آباد (این این آئی) وزیر اعظم کے معاون خصوصی افتخار درانی نے بلاول بھٹو زر داری پر شدید تنقید کرتے ہوئے کہاہے کہ کیا حادثاتی چیئرمین لاڑکانہ میں دریافت ہونے والے ’’ایڈز کے سرچشمے‘‘پر بھی نگاہ ڈالیں گے۔ ایک بیان میں انہوں نے کہاکہ پیپلز پارٹی کے حادثاتی_چیئرمین کا درست کہنا ہے کہ طاقت کا سرچشمہ عوام ہیںمگر کیا بتانا پسند کریں گے کہ کیا وہ طاقت کا سرچشمہ صرف چوری بچانے کیلئے استعمال کریں گے۔افتخار
درانی نے کہاکہ کیا آپ عوام کو وہ حقوق بھی دیں گے جو آئین کے تحت انہیں حاصل ہیں۔انہوںنے کہاکہ کیا حادثاتی_چیئرمین لاڑکانہ میں دریافت ہونے والے ایڈز کے سرچشمے پر بھی نگاہ ڈالیں گے۔ افتخار درانی نے کہاکہ ایڈز کا یہ سرچشمہ سندھ کے غریب عوام کو اپنی لپیٹ میں لے رہا ہے۔افتخار درانی نے کہاکہ کیا پیپلز پارٹی کے حادثاتی چیئرمین تھر پر توجہ دیں گے جو کہ موت کا سرچشمہ ہے۔ انہوں نے کہاکہ کیا آپ کراچی پر نظر ڈالیں گے جوگندے پانی کی بیماریوں کا سرچشمہ بن چکا ہے
