اسلام آباد (این این آئی)وزیر صحت عامر محمود کیانی نے کہا ہے کہ اسلام آباد کی بڑی عمارات میں سگریٹ نوشی ممنوع ہے ،،اب قانون کویونیورسٹی اور کالجز میں بھی لاگو کروائیں گے، لوگوں کی صحت کے حوالے سے کوئی سمجھوتہ نہیں ہوگا ، تمام پارکس میں تربیت یافتہ عملہ تعینات ہوگا ،ادویات کی قیمتوں کے حوالے سے گیدڑ بھبھکیاں نہ دی جائیں ، عوام کو ریلیف دینے میں کوئی کسر نہیں اٹھا رکھیں گے ۔
پیر کو سموک فری اسلام آباد کی تقریب سے خطاب کرتے ہوئے وزیر صحت عامر محمود کیانی نے کہا کہ ڈیڑھ لاکھ کے قریب بچے تمباکو نوشی کی وجہ سے اموات کا شکار ہوتے ہیں،دو کروڑ نوجوان نسل میں تیزی سے یہ منتقل ہورہا ہے۔انہوں نے کہاکہ سابقہ حکومتوں نے کبھی غور نہیں کیا ۔ انہوں نے کہاکہ اشتہارات میں آگاہی کیلئے تصاویر کو بڑا کیا۔انہوں نے کہاکہ اب یہ قانون لاگو کیا ہے کہ اسلام آباد میں بڑی عمارات مین سگریٹ نوشی کو ممنوع کیا جائیگا۔انہوں نے کہاکہ عمران خان کا وژن ہے اس کو پورا کرنا ہو گا،اب اس قانون یونیورسٹی اور کالجز میں بھی لاگو کروائیں گے۔ وزیر صحت نے کہاکہ تمام سرکاری عمارات میں سگریٹ کو ممنوع قرار دیں گے۔ انہوں نے کہاکہ جتنے بھی پارکس ہیں وہاں تربیت یافتہ عملہ جلد ہو گا۔انہوں نے کہاکہ لوگوں کی صحت کے حوالے سے کوئی سمجھوتہ نہیں ہوگا۔ انہوں نے کہاکہ چھٹی کے روز بھی ہم چھاپے مار رہے ہیں ۔ انہوں نے کہاکہ ہم عوام کو ریلیف دینے میں کوئی کسر نہیں اٹھا رکھیں گے۔ انہوں نے کہاکہ ادویات کی قیمتوں کے حوالے سے گیدڑ بھبھکیاں نہ دی جائیں ۔وزیر صحت عامر کیانی نے کہاکہ تمباکو ہر بیماری کو تیز کر دیتی ہے۔ انہوں نے کہاکہ بیماریوں کے خلاف مزاحمت کو بھی کم کر دیتی ہے ،تمباکو نوشی سے پاک معاشرے بنانے کیلئے تیزی سے کام کرنا ہو گا انہوں نے کہاکہ تمباکو کی ہر قسم پر ٹیکسز بڑھا رہے ہیں ،سکولز، کالجز اور یونیورسٹیز میں بھی طلباء تمباکو نوشی کا شکار ہیں ۔
