لاہور(مانیٹرنگ ڈیسک)   اکثر اوقات ہمارے گھروں میں استعمال کے بعد بچے ہوئے کھانے کو فریج میں محفوظ کر دیا جاتا ہے اور اگلے دن استعمال کیا جاتا ہے ، تاہم ماہرین کا کہنا ہے کہ بچے ہوئے چاول کھانا خطرناک بھی ہوسکتا ہے۔طبی ماہرین کا کہنا ہے کہ بچے ہوئے چاول فوڈ پوائزننگ کا سبب بن سکتے ہیں۔ چاولوں کو دوبارہ

گرم کرنا خطرناک نہیں، بلکہ اہمیت اس بات کی ہے کہ پکانے کے بعد چاولوں کو کیسے محفوظ کیا گیا۔ پکنے کے بعد چاول جتنا زیادہ معمول کے درجہ حرارت پر رہیں گے اتنا ہی زیادہ ان میں صحت کیلئے خطرناک ہونے کا امکان بڑھ جائے گا۔ماہرین کے مطابق کچے چاولوں میں فوڈ پوائزننگ پیدا کرنے والے بیکٹیریا موجود ہوتے ہیں اور قوی امکان ہوتا ہے کہ پکنے کے بعد بھی یہ کسی حد تک موجود رہیں۔