نئی دلی (نیوزڈیسک)مودی سرکار نے پراکسی وار کی نئی حکمت عملی بتادی، بھارتی وزیرِدفاع منوہر پاریکر کا کہنا ہے کہ دہشتگردی کا جواب دہشتگردی سے ہی دیاجائے گا، دہشتگردوں کو ختم کرنے کا کام صرف فوج سے ہی کیوں نہیں لیا جارہا ہے؟۔ غیرملکی میڈیا کے مطابق بی جے پی حکومت نے اپنے عزائم کھل کر بتا دیئے، مودی سرکار کے وزیر دفاع منوہرپاریکر نے کہاہے کہ دہشت گردوں کو دہشتگردوں کے ذریعے ہی ختم کیا جا سکتا ہے، ملکی دفاع کےلئے ہرحربہ استعمال کریں گے۔انھوں نے کہا کہ بی جے پی حکومت نے دہشتگردی سے نمٹنے کے لئے فری ہینڈ دیا ہے۔ دوسری جانب اپوزیشن جماعت کانگریس نے منوہر کے بیان پر سخت ردعمل کااظہار کرتے ہوئے ان سے وضاحت طلب کرلی ہے اور کہاہے کہ وہ بتائیں انہوں نے اس قسم کاانوکھا بیان کس پیرائے میں دیاہے کیامرکزی حکومت دہشتگرد تنظیموں کو بحال کرنا چاہتی ہے ۔ یہ ہوسکتاہے کہ حکومت دہشتگردی کے انسداد کےلئے دہشتگرد تنظیموں کی بحالی کا کوئی خفیہ منصوبہ رکھتی ہو۔دریں اثناءبھارتی وزیر دفا ع نے مقبوضہ کشمیر میں ضلع راجوڑی کے قریب ایل او سی پر اگلی چیک پوسٹوں کا دورہ کیا ۔اس موقع پر آرمی چیف جنرل دلبیر سنگھ اور دیگر فوجی حکام بھی ان کے ہمراہ تھے ۔بھارتی وزیر دفاع نے گزشتہ روز سیاچن گلیشئر کا بھی دورہ کیا اور سیکیورٹی کی صورتحال کاجائزہ لیا۔