کراچی (مانیٹرنگ ڈیسک) شہرقائد میں سرکاری ادویات کے فروخت کرنے کا انکشاف ہوا ہے، پولیس نے کارروائی کرتے ہوئے اتحاد ٹاؤن میں ایک گھر سے بڑی تعداد میں سرکاری ادویات برآمد کرلی۔ تفصیلات کے مطابق پولیس نے کراچی کے علاقے اتحاد ٹاؤن میں چھاپہ مار کر بڑی تعداد میں سرکاری ادویات برآمد کرلی جبکہ کارروائی کے

دوران 3 ملزمان کو بھی گرفتار کرلیا۔ پولیس کا کہنا ہے کہ تینوں ملزمان سرکاری اسپتالوں میں مفت ملنے والی ادویات پر سے لیبل مٹا کرمیڈیکل اسٹور پر فروخت کرتے تھے۔ ملزمان کے قبضے سے لائیف سیونگ اور آپریشن تھیٹر میں استعمال ہونے والی قیمتی ادویات برآمد ہوئیں ہیں جنھیں میڈیکل اسٹور پر فروخت کرکے بھاری رقم وصول کی جاتی تھی۔