لاہور( این این آئی) وفاقی وزیر توانائی ڈویژن عمرایوب خان نے کہاہے کہ حکومت کی شاندارپالیسیوں کے نتیجے میں گزشتہ چھ مہینوں میں ترسیلات زراورآٹوانڈسٹری کے شعبوں میں بہتری آئی ہے۔ایک انٹرویومیں انہوں نے کہاکہ تجارتی توازن 5فیصدبہتر ہوا ہے جبکہ ترسیلات زرکے حجم میں 10فیصداضافہ ہوا ہے جوملکی ترقی کیلئے نیک شگون ہے۔انہوں نے کہاکہ تحریک انصاف کی حکومت کوگزشتہ حکومت کی غلط پالیسیوں کی وجہ سے

گردشی قرضوں کاسامناہے اورمسلم لیگ(ن)کی حکومت کی طرف سے چھوڑے گئے قرض کی ادائیگی کی جارہی ہے ۔عمرایوب نے کہاکہ حکومت نے متعددٹھوس اقدامات کئے ہیں جن سے کاروباری سرگرمیوں میں اضافے کے علاوہ صنعتی شعبے کی شرح نمو میں بہتری آرہی ہے۔ایک سوال کے جواب میں وفاقی وزیرنے کہاکہ ایف بی آرملک بھرمیں ٹیکس کے دائرہ کارکو وسعت دینے کیلئے ٹیکسوں کے نظام کوسادہ اورآسان بنارہاہے۔

موضوعات:عمر ایوب خان