اسلام آباد (نیوز ڈیسک) سپریم کورٹ کے تین رکنی بینچ نے توہین رسالت کیس میں گرفتار آسیہ بی بی کو ناکافی ثبوتوں کی بناء پر بری کر دیا ہے، آسیہ بی بی کی رہائی پر شدید ردعمل سامنے آیا ہے اور ملک کے مختلف شہروں میں احتجاج کا سلسلہ جاری ہے، اس موقع پر خاتون صحافی ریما عباسی نے اپنے ٹویٹ پیغام میں آسیہ بی بی
کی جانب سے اپنی رہائی پر ردعمل دیا ہے، خاتون صحافی نے اپنے ٹوئٹر پیغام میں لکھا کہ آسیہ بی بی نے کہا کہ میں یقین نہیں کر پا رہی جو میں سن رہی ہوں، کیا اب میں باہر جا سکتی ہوں، کیا اب وہ مجھے باہر جانے دیں گے، واقعی؟ مجھے کچھ معلوم نہیں کہ کیا کہوں، میں بہت خوش ہوں، مجھے یقین نہیں ہو رہا۔
