اسلام آباد (نیوز ڈیسک )چین میں ایک پریمی جوڑے کے درمیان ہونے والا جھگڑا اس وقت خوفناک صورت اختیار کرگیا جب وو نامی نوجوان اشتعال میں آکر اپنی محبوبہ کا کان کھا گیا۔ چینی میڈیا کے مطابق نوجوان خاتون شین اور اس کا دوست پہلے سے جاری جھگڑے کے خاتمے کے لئے ملے تھے کہ صورتحال مزید تلخ ہوگئی اور وو شین پر حملہ آور ہوگیا۔خاتون نے میڈیا کو بتایا کہ وو اس کے اثاثہ جات پر قبضے کی کوشش کررہا تھا اور اس کی تنخواہ بھی ہتھیانا چاہتا تھا۔ دونوں کے درمیان اس بات پر کشیدگی ہوگئی جسے ختم کرنے کے لئے دونوں نے ملاقات کا فیصلہ کیا۔ ایک عوامی مقام پرملاقات کے دوران وو مشتعل ہوگیا اور اچانک حملہ آور ہوکر شین کا بایاں کان نوچ ڈالا۔ اس حملے میں خاتون کا نصف سے زیادہ کان جسم سے علیحدہ ہوگیا۔ وحشی شخص نے اسی پر اکتفا نہیں کیا بلکہ خاتون کا دوسرا کان بھی کھانے کی کوشش کی البتہ اس کا نشانہ خطا ہوا اور اس کے دانت خاتون کے گال میں دھنس گئے۔حملے کے بعد وو خاتون کو تڑپتا ہوا چھوڑ کر فرار ہوگیا۔
مزید پڑھئے:ایسی لپ اسٹک تیار جو اب رنگ بھی بدلے
جب زخمی شین کی والدہ موقع پر پہنچیں تو وہاں کھڑے شین کے ٹرک کو دیکھ کر غصے سے بے قابو ہوگئیں اور اس پر پتھر برسا کر اس کے شیشے توڑ دئیے۔ خاتون کو ہسپتال منتقل کردیا گیا جہاں اس کا علاج جاری ہے۔
