واشنگٹن (نیوزڈیسک)امریکی جوڑا جس کے 12 بیٹے ہیں اور کوئی بیٹی نہیں کے ہاں 13ویں بیٹے کی پیدائش ہوئی ہے۔میڈیا رپورٹ کے مطابق میشیگن میں رہایش پذیر شوانٹ خاندان کے ہاں 13 ویں بیٹے کی پیدائش ہوئی ہے۔جے اور کیٹری شوانٹ خاندانی روایت کو برقرار رکھتے ہوئے پیدائش سے قبل بچے کے جنس معلوم نہیں کرتے۔40 سالہ جے نے 13 ویں بیٹے کی پیدائش کے بعد کہا کہ میں سوچ رہا تھا کہ اگر یہ بیٹی ہوئی تو معلوم نہیں میرا ردِعمل کیا ہوتا ہے۔جوڑے کے بچوں کی عمریں دو دہائیوں پر پھیلی ہوئی ہیں سب سے بڑا بیٹا 22 سالہ ٹائلر، 19 سالہ زیک، 18 سالہ ڈریو، 16 سالہ برینڈن، 13 سالہ ٹومی، 12 سالہ ونی، 10 سالہ کیلون، 8 سالہ گیبی، چھ سالہ ویزلی، پانچ سالہ چارلی، تین سالہ لیوک اور 21 ماہ کا ٹکر ہے۔ کیٹری کا کہنا تھا کہ خاندان میں بہت ہلچل ہے تاہم بہت پیار بھی ہے۔شوانٹ خاندان نئے بیٹے کے نام کے انتخاب کے بارے میں مشورے کر رہا ہے تاہم ابھی تک کسی نام پر متفق نہیں ہو پائے ہیں۔کیٹری کا اپنا خاندان بھی 14 بچوں پر مشتمل تھا اور اس میں ان کا 13 واں نمبر تھا۔