راولپنڈی(این این آئی) شمالی وزیرستان کے علاقے میں پاک فوج کی جانب سے کئے گئے آپریشن رد الفساد کے دوران چھپے بیٹھے دہشتگردوں کے حملے کے نتیجے میں پاک فوج کے ایک افسر سمیت سات جوان شہید ہو گئے جبکہ فائرنگ کے تبادلے میں 9 دہشتگرد مارے گئے جن کی لاشیں قبضے میں لے کر شناخت کا عمل شروع کر دیا گیا ہے۔ آئی ایس پی آر کے مطابق ہفتے کو ان ٹیلی جنس رپورٹ پر شمالی وزیرستان کے علاقے میں آپریشن ردالفساد کے تحت کارروائی کی گئی اس موقع پر چھپے بیٹھے دہشت گردوں کے
ایک گروپ نے حملہ کر دیا جس کے نتیجے میں ایک فوجی افسر سمیت 7 جوان شہید ہو گئے ۔ آئی ایس پی آرکے مطابق جوابی کارروائی میں 9 دہشتگرد مارے گئے جن کی لاشیں قبضے میں لے لی گئی ہیں اور انکی شناخت کا عمل بھی شروع کر دیا گیا ہے ۔مارے گئے دہشتگردایک گروپ کی شکل میں افغانستان سے آئے تھے اور ایک گھر میں چھپ کر بیٹھے تھے ۔ آئی ایس پی آر کے مطابق شہید ہونیوالوں میں کیپٹن جنید ، حوالدر عامر، حوالدار عاطف ، حوالدار ناصر، حوالدار عبد الرزاق ، سپاہی سمیع اورسپاہی انوار شامل ہیں ۔
