اسلام آباد(مانیٹرنگ ڈیسک)پی ٹی آئی رہنما علی محمد خان نے وزیراعظم عمران خان کے وزیراعظم ہائوس سے بنی گالہ ہیلی کاپٹر کے استعمال پر ہونے والی تنقید کا بھر پور جواب دیتے ہوئے ہیلی کاپٹر کے استعمال کی وجہ بیان کر دی ہے ۔ جبکہ سینئر صحافی سلیم صافی نے اپنے کالم میں وزیراعظم ہائوس سے بنی گالہ تک ہیلی کاپٹر کے استعمال کا انکشاف کیا تھا جس کے بعد سوشل میڈیا پر وزیراعظم کے بچت کے اعلانات پر سوالیہ نشان اٹھے جبکہ سلیم صافی کیخلاف میڈیا مہم نے زور پکڑ ا اور انہیں برا بھلا کہا

لیکن پھر بھی معروف صحافی اپنے بیان پر ڈٹے رہے ۔ ایسے میں تحریک انصاف کے رہنما محمد علی خان نے سوشل میڈیا کی ویب سائٹ پر وزیراعظم عمران خان کو وزیراعظم ہائوس سے بنی گالہ ہیلی کاپٹر کا استعمال کر نے کی تنقید کا بھر پور جواب دیا ہے ۔ انہوں نے کہا ہے کہ تنقید کرنے والوں کو یہ معلوم ہونا چاہیے کہ’’ تین منٹ کیلئے ہیلی کاپٹر کا خرچ سڑک پر سیکیورٹی کیلئے ضرور پان سے سات گاڑیوں سے کم ہے ۔ ہیلی کاپٹر کا سفر زیادہ محفوظ ہے ۔ ہیلی کاپٹر کے استعمال سے ٹریف بلاک نہیں ہوتی ‘‘۔