ڈیرہ اسماعیل خان (مانیٹرنگ ڈیسک) جمعیت علمائے اسلام (ف) کے سربراہ اور متحدہ مجلس عمل کے امیدوار مولانا فضل الرحمان نے جنہوں نے دو حلقوں این اے 38 اور این اے 39 سے انتخابات میں حصہ لیا وہ دونوں حلقوں سے ہی شکست کھا گئے۔ غیر حتمی اور غیر سرکاری نتائج کے مطابق حلقہ این اے 38 ڈیرہ اسماعیل خان میں متحدہ مجلس عمل کے سربراہ مولانا فضل الرحمان کو تحریک انصاف کے علی امین گنڈا پور نے شکست سے دوچار کیا، تحریک انصاف کے امیدوار
نے 80236 ووٹ حاصل کیے جبکہ ان کے مقابلے میں مولانا فضل الرحمان نے 45457 ووٹ حاصل کیے، اس طرح علی امین گنڈا پور نے انہیں بھاری مارجن سے شکست دی، دوسری جانب حلقہ این اے 39 ڈیرہ اسماعیل خان میں مولانا فضل الرحمان کا مقابلہ تحریک انصاف کے یعقوب شیخ سے تھا، وہاں بھی وہ شکست کھا گئے، تحریک انصاف کے امیدوار یعقوب شیخ نے 79150 ووٹ حاصل کیے جبکہ ان کے مقابلے فضل الرحمان نے 51920 ووٹ حاصل کیے اور ہار گئے۔
