اسلام آباد (نیوز ڈیسک) امریکا میں جنسی دلکشی کے متعلق کئے گئے ایک حالیہ سروے کے نتائج نے جہاں امریکی مردوں کو حیران اور افسردہ کردیا وہیں پاکستانی مردوں کو خوشی سے باغ باغ کردیا۔مشہور ویب سائٹ MissTravel کے سروے میں 1لاکھ 10ہزار سے زائد امریکیوں سے معلومات اکٹھی کی گئیں اور جب نتائج مرتب کئے گئے تو معلوم ہوا کہ امریکی خواتین جنسی دلکشی میں پاکستانی مردوں کو امریکی مردوں سے بہتر اور برتر قرار دیتی ہیں۔ اس سروے کے مطابق نہ صرف امریکی مردوں کو پاکستانی مردوں سے کم دلکش قرار دیا گیا بلکہ پاکستانی مردوں نے برطانیہ، سکاٹ لینڈ، اٹلی، ڈنمارک اور سپین کے مردوں کو بھی پیچھے چھوڑ دیا۔ سروے میں امریکیوں نے آرمینیا کی خواتین کو دلکش ترین قرار دیا۔
واضح رہے کہ امریکی خواتین کی پاکستانی مردوں کے لئے پسندیدگی نئی نہیں ہے بلکہ اس سے پہلے بھی متعدد تحقیقات اور سروے ظاہر کرچکے ہیں کہ امریکی خواتین پاکستانی مردوں کی مردانہ وجاہت سے سخت متاثر ہیں۔