لاہور(آئی این پی) مسلم لیگ (ن) کے سابق صوبائی وزیر جیل خانہ جات چوہدری عبد الغفور میو نے (ن) لیگ چھوڑنے کا اعلان کرتے ہوئے نوازشریف کے بیانے کو اداروں کے خلاف سازش قرار دیدیا ۔ تفصیلات کے مطابق مسلم لیگ (ن) کے شریف خاندان کی رہائش گاہ کے قر یب ہی رائے ونڈ میں مقیم ہیں اور (ن) لیگ کے ذرائع نے دعویٰ کیا ہے کہ چوہدری عبد الغفور میو نے عام انتخابات2018کیلئے ٹکٹ کی درخواست بھی دی مگر پارٹی نے انکو ٹکٹ
دینے سے معذرت کر لی جس کے بعد انکے (ن) لیگ کیساتھ اختلافات شروع ہوئے اور اب بدھ کے روز سابق صوبائی وزیر جیل خانہ جات چوہدری عبد الغفور میونے (ن) لیگ سے ہی الگ ہونے کا اعلان کر دیاچوہدری عبد الغفور نے کہا کہ دعویٰ کیا ہے کہ میں نے پارٹی ٹکٹ کیلئے کوئی درخواست نہیں دی نواز شریف کے بیانیہ کی حمایت نہیں کر سکتا نواز شریف کے بیانیہ سے ادارے کمزور ہو رہے ہیں اگر ادارے کمزور ہوئے تو ملک شام اور لیبیابن جائے گا۔
