اسلام آباد(مانیٹرنگ ڈیسک)سپریم کورٹ کا پرویز مشرف کا شناختی کارڈ اور پاسپورٹ بحال کرنے کا حکم۔ تفصیلات کے مطابق چیف جسٹس آف پاکستان جسٹس ثاقب نثار کی سربراہی میں بنچ نے مفاد عامہ مقدمات کی سماعت کی۔ سماعت کے دوران چیف جسٹس نے چیئرمین نادرا سے استفسار کیا کہ آپ کو ہم نے نہیں بلایا آپ یہاں کیوں بیٹھے ہیں جس پر چیئرمین نادرا نے بتایا کہ نادرا نے مشرف کا شناختی کارڈ اور پاسپورٹ بلاک کر رکھا ہےجس کی

وجہ سے مشرف کی واپسی اس کی وجہ سے ممکن نہیں۔ چیف جسٹس نے اس موقع پر برہمی کا اظہار کرتے ہوئے کہا کہ ہم نے مشرف کو واپسی کیلئے تحفظ دیا تھا ۔ ائیرپورٹ سے عدالت تک سابق صدر کو گرفتار نہ کیا جائے ،انہوں نے کہا کہ مشرف واپس آئیں اورمقدمات کا سامنا کریں ،عدالت نے سابق صدرکے بلاک شناختی کارڈاور پاسپورٹ کو کھولنے کا حکم دے دیا، عدالت نے مشرف کے ٹرائل کیلئے 2روزمیں ٹربیونل قائم کرنے کاحکم بھی دیدیا۔