اسلام آباد (مانیٹرنگ ڈیسک) تحریک انصاف نے سیکرٹری الیکشن کمیشن کے بھائی کو ٹکٹ جاری کر دیا، ایک نجی ٹی وی چینل کی رپورٹ کے مطابق تحریک انصاف کا ایک اور یوٹرن،این اے 84 سے عامر علی کو ٹکٹ جاری کر کے واپس لے لیا پاکستان تحریک انصاف نے این اے 84 سے چوہدری بلال اعجاز کو عامر علی کی جگہ ٹکٹ جاری کر دیا۔نجی ٹی وی چینل کی رپورٹ کے مطابق تحریک انصاف نے اپنے انتخابی امیدواروں کے ناموں
کا اعلان کیا ہے اس موقع پر تحریک انصاف نے یوٹرن کی روایت برقرار رکھی ہے۔تحریک انصاف نے پہلے این اے 84 گوجرانوالہ سے عامر علی کو ٹکٹ جاری کیا گیا اور بعد میں اسی فیصلے پر یوٹرن لیتے ہوئے عامر علی سے ٹکٹ واپس لینے کا فیصلہ کر لیا۔واضح رہے کہ عامر علی سیکرٹری الیکشن کمیشن بابر یعقوب کے بھائی ہیں،تحریک انصاف نے اب این اے 84 سے چوہدری بلال اعجاز کو ٹکٹ جاری کرنے کا فیصلہ کرلیا گیا ہے۔
