اسلام آباد (نیوز ڈیسک) یکم مئی کو وزیراعظم شاہد خاقان عباسی نے نئے ائیرپورٹ کا افتتاح کیا، اس کے افتتاح کے بعد یہاں پر ملکی اور بین الاقوامی پروازوں کی آمد کا سلسلہ بھی شروع ہوگیا، گزشتہ روز بھی خبر سامنے آئی تھی کہ سامان لانے والی بیلٹ ٹھیک کام نہیں کر رہی جس کی وجہ سے مسافروں کو انتظار کرنا پڑ رہا ہے، برطانوی خاتون سیاستدان ناز شاہ جو کہ نئے ائیرپورٹ پر آئیں تو انہیں بھی سامان کے حصول میں پریشانی کا سامنا کرنا پڑا، اس سے قبل بھی نئے اسلام آباد ائیرپورٹ پر

بدنظمی کی کئی خبریں گردش کر رہی ہیں، برطانیہ سے آنے والی اس خاتون ناز شاہ نے سماجی رابطے کی ویب سائٹ ٹوئیٹر پر اپنے پیغام میں نئے ائیر پورٹ پر اس قسم کی مشکلات درپیش آنے کو قابل شرمندگی قرار دیا۔ انہوں نے اپنے پیغام میں مزید کہا کہ سامان کے حصول کے لیے آپ کو 3 گھنٹے کا طویل انتظار کرنا پڑتا ہے جس کے بعد آپ ائیر پورٹ سے باہر آ سکتے ہیں۔ جبکہ دوسرے مسافروں کو طویل پروازوں کے بعد بھی پانچ پانچ گھنٹے اپنے سامان کے حصول کے لیے انتظار کرنا پڑتا ہے۔