مکہ مکرمہ( سی پی پی ) مکہ مکرمہ میں محکمہ صحت کے حکام نے بتایاہے کہ شہر میں 94 برماوین شہری ایڈز کے مرض میں مبتلا ہیں جو معاشرے کے لیے سنگین خطرے کا باعث بن سکتے ہیں۔ ایڈز کے مرض میں مبتلا 14 برماوین زندگی سے ہاتھ دھو بیٹھے جب کہ 11 غیربرمی شہریوں میں بھی اس مرض کی تشخیص کی گئی ہے۔میڈیارپورٹس کے مطابق حکومت نے ان تمام افراد کو ایک عمومی نوٹس جاری کیا۔

جس میں ان سے کہا گیا کہ وہ متعلقہ حکام کے سامنے پیش ہوکراپنے علاج کے لیے کوئی طریقہ کار وضع کریں مگر بار بار کی تاکید کے باوجود ان میں سے بعض لوگ نہ تو حکام کے سامنے پیش ہوئے اور نہ متعلقہ ہسپتالوں میں اپنا معائنہ کرایا جس پر مکہ مکرمہ کے محکمہ صحت کوان تمام افراد کو حاضر کرنے کے لیے پولیس کی مدد لینا پڑی۔مکہ مکرمہ میں برماوی شہریوں کے نمائندہ مرکزکی طرف سے جاری کردہ ایک بیان میں کہا گیاکہ جن 94 افراد کو رواں ماہ کے دوران حاضر ہونے کا نوٹس جاری کیا گیا انہیں چار ماہ قبل کہا گیا تھاکہ وہ مکہ معظمہ میں شاہ فیصل ہسپتال میں اپنا طبی معائنہ کرائیں اور ایڈز کے مرض کی تشخیص کی صورت میں ضرور علاج کو یقینی بنائیں۔ بیان میں بتایا گیا کہ ایڈز کے مرض میں مبتلا 14 برماوین زندگی سے ہاتھ دھو بیٹھے جب کہ 11 غیربرمی شہریوں میں بھی اس مرض کی تشخیص کی گئی ہے۔برما سے تعلق رکھنے والے جن افراد نے اپنا طبی معائنہ نہیں کرایا ان کے خلاف ضروری قانونی کارروئی عمل میں لائی جا رہی ہے۔ حکومت کی طرف سے ایسے تمام مشکوک افراد کے ملازمت کے اجازت نامے منسوخ کردیے اورنہیں کسی بھی ہوٹل یا کسی دوسرے مقام پر کام کرنے کی اجازت نہیں۔