اسلام آباد(مانیٹرنگ ڈیسک)سعودی شہری نے ایک ہی دن میں 4شادیاں کر لیں، لوگوں کا حیرت کا اظہار۔ تفصیلات کے مطابق سعودی شہری نے ایک دن 4غیر ملکی خواتین سے شادیاں کر لی ہیں۔ عرب میڈیا کے مطابق ایک سعودی شہری نے مراکش سے تعلق رکھنے والی 4خواتین سے ایک ہی دن شادی کر لی۔ اکٹھے چار شادیاں کرنے کے انوکھے واقعے پر لوگوں نے حیرت کا اظہار کرتے

ہوئے سوشل میڈیا پر نئی بحث چھیڑ دی اور ٹویٹر پر شادی سے متعلق ہیش ٹیگ وائرل ہو کر ٹرینڈ بن گیا جس میں ہزاروں صارفین نے اپنی اپنی رائے کا اظہار کیا ہے۔ کچھ ٹویٹر صارفین نے سعودی شخص کے اقدام کو تنقید کا نشانہ بنایا تو بعض نے اسے احسن عمل قرار دیتے ہوئے خیر مقدم کیا۔ چند صارفین نے کہا کہ اسلامی تعلیمات مسلمان مرد کو بیک وقت چار شادیاں کرنے کی اجازت دیتی ہے اس لئے یہ کوئی غیر شرعی حرکت نہیں جو پریشان کن یا بگاڑ کا باعث ہو۔