ملتان(اے این این )ملتان میں سیزنل انفلوئنزہ کے شکار مزید 3مریض نشتر اسپتال میں دم توڑ گئے۔ جاں بحق افراد کی تعداد 27 ہوگئی جبکہ 25 افراد زیر علاج ہیں۔سیزنل انفلوئنزہ نے جنوبی پنجاب میں پنجے گاڑ لئے ہیں، خطر ناک وائرس کا شکار مزید 3 مریض نشتر اسپتال میں دم توڑ گئے ہیں۔

جن میں 38 سالہ فرحین، 60 سالہ فرزانہ اور 40 سالہ راشد ہے جن کا تعلق ملتان، وہاڑی اور مظفرگڑھ سے ہے۔ نشتر ہسپتال میں ابھی بھی 25 مریض زیر علاج ہیں جن میں سے 13 مریضوں کی رپورٹس مثبت جبکہ 12 مریضوں کی رپورٹس آنا پابقی ہیں۔گذشتہ 5 ہفتوں کے دوران جان لیوا وائرس سے متاثرہ مریضوں کی تعداد 218 ہوگئی ہے جن کو نشتر ہسپتال میں علاج کے لئے لایا گیا ہے۔