سرگودھا(اے این این )آستانہ عالیہ سیال شریف کے گدی نشین سابق سینیٹر خواجہ حمید الدین سیالوی نے کہا ہے کہ طاہر القادری دھرنے سے ہمارا کوئی لینا دینا نہیں ، ہم طاہر القادری کے دھرنے میں شریک نہیں ہو ئے نہ ہی قادری کی طرف ہم سے کوئی رابطہ ہوا تھا۔صحافیوں سے گفتگو کرتے ہوئے انھوں نے کہا کہ20 جنوری کو شمعِ رسالت کے لاکھوں پروانے داتا دربار لاہور پر حاضر ہوکر ختم نبوت کے معاملہ پر دھرنا دینگے اور صوبائی وزیر قانون پنجاب رانا ثنااللہ
کے استعفیٰ تک وھاں بیٹھے رھیں گے۔ مستعفی ھونے والے رکن پنجاب اسمبلی صاجزادہ غلام نظام الدین سیالوی نے کہا ہے کہ ھم بیس جنوری کے داتا دربار پر حاضری دیتے ہوئے اپنا احتجاج کرینگے۔ ایک سوال کے جواب میں انکا کہنا تھا کہ اس وقت تک کسی بھی قسم کا نہ ہمارا اور نہ ہی حکومت کی جانب سیہم سے کوئی رابطہ نہیں ھوا ۔انکا کہنا تھا کہ ہم کسی بھی طرح اپنے موقف سے پیچھے نہیں ہٹیں گے اور ختم نبوت کے معاملہ پر متحد ہیں۔
