ملتان (این این آئی)ملتان میں سیزنل انفلوائنزہ کی شدت میں ہر گزرتے دن کے ساتھ اضافہ ہونے لگا ٗ ملتان کے نشتر ہسپتال میں مریضوں کی تعداد94 ہوگئی۔ترجمان محکمہ صحت ملتان ڈاکٹر عطا الرحمان کے مطابق ملتان میں 15 دسمبر سے اب تک 179 افراد سیزنل انفلوائنزہ کے شبہ میں

رپورٹ ہوئے جن میں سے 94 مریضوں میں سیزنل انفلوئنزہ کی تصدیق ہوئی ہے۔سیزنل انفلوائنزہ کے 19 مریض اس وقت نشتر ہسپتال کے آئسولیشن وارڈ میں زیر علاج ہیں جن میں سے 7 کی رپورٹ کا انتظار ہے ۔ملتان میں سیزنل انفلوائنزہ سے اب تک 21 افراد انتقال کر چکے ہیں۔