فیصل آباد (مانیٹرنگ ڈیسک) فیصل آباد کے دھوبی گھاٹ گراؤنڈ میں ختم نبوت کانفرنس میں مسلم لیگ (ن )کے اراکین اسمبلی نے سیاسی مستقبل کے فیصلے کا اختیار پیر حمید الدین سیالوی کو دیدیا جبکہ غلام بی بی بھروانہ کا قومی اسمبلی رکنیت سے استعفے کا اعلان کردیا۔نجی ٹی وی کے مطابق فیصل آباد میں آستانہ عالیہ سیال شریف کے سجادہ نشین پیر خواجہ حمید الدین سیالوی کی صدارت میں ختم نبوت کانفرنس میں مسلم لیگ ن کے 5اراکین اسمبلی نے استعفے دینے کا اعلان کردیا۔ن لیگی ایم این اے غلام بی بی
بھروانہ، ایم این اے نثارجٹ، ایم پی اے غلام نظام الدین، ایم پی اے محمد خان بلوچ اور مولوی رحمت اللہ اسٹیج پر پہنچے اور سیاسی مستقبل کا اختیار پیر حمید الدین سیالوی کو دے دیا۔ذرائع کے مطابق اراکین نے سیال شریف درگاہ کے پیر اور تحریک لبیک کے رہنما پیر حمیدالدین سیالوی کو استعفے پیش کرتے ہوئے کہا کہ ہم مطالبہ کرتے ہیں کہ وزیراعلیٰ پنجاب اور وزیرقانون رانا ثنا اللہ فوری طور پر مستعفی ہوں، اگر انہوں نے اپنے عہدوں سے استعفے نہ دئیے تو پھر بہت سے ارکان اسمبلی بھی تیار ہیں۔
