اسلام آباد (نیوز ڈیسک) مسلمانوں کا یہ ایمان ہے کہ یہ دنیا فانی ہے اور ایک دن اس دنیا نے ختم ہو جانا ہے یہ نظریہ صرف مسلمانوں کا ہی نہیں بلکہ دیگر تین کتابوں توریت، زبور اور انجیل کے ماننے والوں کا بھی یہی عقیدہ ہے کہ اس دنیا نے ایک دن ختم ہونا ہے اور دنیا بھر میں ایسی پیشگوئیاں بھی ہوتی رہتی ہیں جیسا کہ حال ہی میں ڈیوڈ میڈی نامی ایک شخص نے یہ پیشگوئی کی تھی کہ 23 ستمبر کو زمین سے ایک بہت بڑا سیارہ ٹکرائے گا اور تباہی کا ایک نہ روکنے کا سلسلہ شروع ہو جائے گا

یہ بات تو خیر سچ ثابت نہ ہوئی مگر اب ڈیوڈ نے ایک اور بے پر کی اڑائی ہے کہ 15 اکتوبر بروز اتوار کو دنیا کی تباہی کی شروعات ہونے والی ہیں جس کے بعد سات سال کے اندر اندر دنیا کی ہر شے ختم ہو جائے گی۔ اس نے مزید کہا کہ 15 اکتوبر کے بعد زلزلے اور طوفان آئیں گے اور آتش فشاں پھٹنا شروع ہو جائیں گے اپنے اس دعویٰ کی مضبوطی کیلئے اس سے امریکہ اور دیگر ممالک میں آنے والے طوفانوں کا سہارا لیا ہے اور مزید کہا کہ امریکہ اور شمالی کوریا کے درمیان جاری ٹینشن بھی تیسری عالمی جنگ کا پیش خیمہ ہو سکتی ہے ۔