اسلام آباد(مانیٹرنگ ڈیسک)چوہوں سے ہمیشہ بچ کےرہیں دیکھنے میں تو یہ چھوٹے چھوٹے ہوتے ہیں لیکن کبھی کبھی یہ انسان ناقابل تلافی نقصان بھی پہنچا سکتے ہیں، اور ایسے بے شمار واقعات ہو چکے ہیں جن میں چوہے انسانوں کو کاٹ کر شدید زخمی کر چکے ہیں، ایسا ہی ایک واقعہ شمالی فرانس سے تعلق رکھنے والی ایک اپاہج لڑکی کے ساتھ پیش آیا جسے چوہوں نے کاٹ کر شدید زخمی کر دیا، یہ لڑکی روبے ہر میں کرائے

کے گھر میں رہتی تھی اور اپنے کمرے میں سو رہی تھی اس لڑکی کا فالج کی وجہ سے دھڑ کام نہیں کرتا وہ بستر پر سو رہی تھی کہ چوہوں نے اس پر حملہ کر دیا، جس کے نتیجے میں لڑکے کے چہرے پر45، ہاتھوں پر40 اور پاوں پر30زخم آئے، لڑکی کو شدید زخمی حالت میں ہسپتال منتقل کر دیا گیا ہے جبکہ اس لڑکی کا باپ مالک مکان پر مقدمہ درج کروادیا ہے، لڑکی کے والد کا کہنا ہے کہ جب ہم سونے کےلئےگئے تو سب کچھ ٹھیک تھا لیکن انہوں نے بعد میں لڑکی کو بستر پر خون لت پت پایا، ذرائع کے مطابق یہ خاندان فوری طور پر دوسرے مکان میں منتقل ہو چکا ہے جبکہ پولیس نے واقعے کی تحقیقات شروع کر دی ہیں تاکہ پتہ چلایا جائے کہ ایسا واقعہ کیسے پیش آیا ۔