کراچی(این این آئی)امریکہ کی جانب سے سندھ کے محکمہ جیل کو 2لاکھ ڈالر کے حفاظتی سامان کا عطیہ دیا گیا۔امریکہ محکمہ خارجہ کے انٹرنیشنل نارکوٹکس اینڈ لا انفورسمنٹ بیورو کی جانب سے فراہم کئے جانے والے جدید ترین مگر ہلکے پھلکے ہیلمٹ اور بلٹ پروف جیکٹس سندھ بھر میں جیل سیکورٹی پر مامور 250اہلکاروں کو اپنی حفاظت میں مدد دیں گی۔

جیلوں کے اہلکار خصوصا وہ جو احاطے میں داخلی درازوں پر یا جیل کی عمارات کے باہر تعینات ہوتے ہیں دہشت گردوں کا آسان ہدف ہوسکتے ہیں۔حفاظتی سامان عطیہ کئے جانے کے موقع پر آئی این ایل کے جیل سیکورٹی کے مشیر ولیم زلمان کا کہنا تھا کہ جیل کی سیکورٹی پر مامور عملے کی خدمات اتنی نمایاں نہیں ہوتیں مگر یہ فوجداری عدالتی نظام کا اہم ترین حصہ ہیں جو کراچی اور پاکستان کے لئے بے لوث خدمات انجام دے رہے ہیں۔ ان کی مدد ہمارے لئے قابل فخر ہے۔
امریکہ محکمہ خارجہ کے انٹرنیشنل نارکوٹکس اینڈ لا انفورسمنٹ بیورو کی جانب سے فراہم کئے جانے والے جدید ترین مگر ہلکے پھلکے ہیلمٹ اور بلٹ پروف جیکٹس سندھ بھر میں جیل سیکورٹی پر مامور 250اہلکاروں کو اپنی حفاظت میں مدد دیں گی۔ امریکی محکمہ خارجہ کے انٹرنیشنل نارکوٹکس اینڈ لاانفوسمنٹ بیورو نے سندھ پولیس کے ساتھ شراکت داری 2010میں شروع کی تھی۔آئی این ایل 90سے زائد ممالک میں قانون نافذ کرنے والے اداروں کو جرائم اور کرپش کے خاتمے ، منشیات سے متعلقہ جرائم ختم کرنے اور پولیس کی صلاحیتیں بڑھانے میں مدد فراہم کرتا ہے ۔یہ ادارہ قانون کے نفاذ اور شفاف عدالتی نظام کے لئے بھی کوششیں کرتا ہے ۔