اسلام آباد (مانیٹرنگ ڈیسک) دنیا بھر میں سب سے زیادہ کون سا ’’رنگ‘‘ پسند کیا جاتا ہے، دنیا میں ہر انسان کو مختلف رنگ پسند ہوتے ہیں، کسی کو نیلا رنگ پسند ہے تو کسی کو سبز، رنگوں کی پسندیدگی کے حوالے سے برطانوی سماجی تنظیم نے دنیا کے کئی ممالک میں سروے کیا، ان ممالک میں برطانیہ، جرمنی، امریکہ، آسٹریلیا، چین، ہانگ کانگ، سنگاپور، تھائی لینڈ اور انڈونیشیا شامل ہیں۔ اس سماجی تنظیم نے سروے کے نتائج کے بارے میں کہا کہ برطانیہ میں نیلے رنگ کو پسند کیا جاتا ہے، جس کی شرح 33 فیصد

ہے، اس طرح 33 فیصد لوگ نیلے رنگ کو پسند کرتے ہیں، سب سے پسندیدہ ترین رنگ نیلا ہے، برطانیہ کے علاوہ دیگر ممالک میں بھی نیلے رنگ کو پہلا انتخاب قرار دیا گیا ہے۔ اس سروے کے مطابق مردوں اور عورتوں میں نیلے رنگ کو پسند کرنے کا تناسب مختلف ہے، برطانیہ اور امریکہ میں 40 فی صد مرد اور 27 فی صد خواتین نیلے رنگ کو پسند کرتے ہیں، نیلے رنگ کے بارے میں ماہر نفسیات کا کہنا ہے کہ یہ رنگ اخلاص، اعتماد اور امن کی علامت ہے اسی وجہ سے زیادہ لوگ اسے پسند کرتے ہیں۔