لاہور( این این آئی )ریلوے اسٹیڈیم میں حکومت مخالف نعرے لگانے پرگرفتار اور بعد ازاں وزیر اعظم کے نوٹس لیے جانے پر رہا ہونے والے اتھلیٹس مبینہ طور پر اپنے گھروں میں واپس نہیں پہنچ سکے ۔تفصیلات کے مطابق ہفتہ کے روز ریلوے اسٹیڈیم میں انٹر ڈویژنل اتھلیکٹس چمپئن شپ کی اختتامی تقریب میں کراچی سے تعلق رکھنے والے چاراتھلیٹس نے گو نواز گو کے نعرے لگائے تھے جنہیں ریلوے پولیس نے اپنی حراست میں

لے لیا تھا ۔ میڈیا پر خبر نشر ہونے پر وزیر اعظم نواز شریف نے نوٹس لیتے ہوئے کھلاڑیوں کو فوری رہا کرنے کا حکم دیا تھا ۔ میڈیا رپورٹس میں بتایا جارہا ہے کہ حکومت مخالف نعرے لگانے والے کراچی کے ایتھلیٹس مبینہ طو رپر تاحال گھر نہیں پہنچے جس کی وجہ سے اہل خانہ شدید پریشانی سے دوچار ہیں۔ ریلوے پولیس نے بھی معاملے سے لاعلمی کا اظہار کر رہی ہے ۔واضح رہے کہ گزشتہ روز ان طلباء نے ’’گو، نواز ،گو ‘‘ کے نعرے لگائے تھے جس کے بعد انہیں گرفتارکیاگیاتھا۔

موضوعات:وزیر اعظم