اسلام آباد(مانیٹرنگ ڈیسک)پاکستان میں دہشتگردی اور دنیا بھر میں اسلام فوبیا کی وجہ سے جہاں پاکستان اقتصادی اور معاشی طور پر بھاری نقصان اٹھا چکا ہے وہیں اس کے شہریوں کیلئے بھی دنیا میں سفر کرتے ہوئے بے شمار مشکلات کا سامنا کرنا پڑتا ہے۔ پاکستانی پاسپورٹ دنیا بھر کے پاسپورٹ میں درجہ بندی کے اعتبار سے سب سے آخر میں آنے والے افغانستان سے صرف ایک درجہ بہتری پر 24پوائنٹ کے ساتھ موجود ہے ۔ مگر آپ یہ جان کر حیران رہ جائیں گے کہ پاکستانی پاسپورٹ کے حامل افراد کئی ایسے ممالک ہیں جہاں بغیر ویزا کے جا سکتے ہیں

یعنی یہ ممالک پاکستانیوں کیلئے ویزا فری ہیں۔ خلیج ٹائمز کی ایک رپورٹ کے مطابق پاکستانی شہری ڈومینک ری پبلک، ہیٹی، میکرنیشیا، سینٹ وینسنٹ اینڈ دی گریناڈائنز، ٹرینیداد اینڈ ٹوبیگو، وانوآتوبغیر ویزا حاصل کئے جا سکتے ہیں جبکہ درج ذیل ممالک میں پاکستانیوں کووہاں پہنچنے پر ائیرپورٹ پر ویزا فراہم کردیا جاتا ہےکمبوڈیا، کیپ وردی،کوموروز،آئیوری کوسٹ، جبوتی، گنی بسائو، کینیا، مدغاسکر، مالدیپ، موریطانیہ، موزمبیق، نیپال، نائکاراگووا، پالو، سموآ،سیچیلس، تنزانیہ، ایسٹ تیمور، ٹوگو، ٹووالو اور یوگنڈابغیر ویزے کے جا سکتے ہیں۔