اسلام آباد(مانیٹرنگ ڈیسک)عورتوں کو سمجھنا جتنا مشکل ہے اتنا ہی مشکل انکی خواہشوں کو پورا کرنا ہے ۔ایسا ہی ایک واقعہ برطانیہ میں پیش آیا ۔ ایک خاتون آئے دن اپنے شوہر

سے نئے جوتوں کی فرمائش کرتی رہتی تھی۔ شوہر نے ایک دن روزروز کی فرمائشوں سے تنگ آ کر ایسی چیز لا کر گھر کے باغیچے میں رکھ دی کہ جان کر آپ ہنسی سے لوٹ پوٹ ہو جائیں گے۔۔یہ شخص جوتوں کے متعلق اپنی بیوی کے جنون سے تنگ آ کر بہت بڑے سائز کا جوتوں کا ایک جوڑا لے آیا اور لا کر گھر کے باہر باغیچے میں رکھ دیاکیونکہ گھر کے اندر تو وہ لیجایانہیں جاسکتا تھا۔رپورٹ کے مطابق 50سالہ اینڈی واکر خاص طور پر بنوا کر جو جوتے لایا ان کا سائز 14فٹ ہے۔ ان کی ایڑیاں اتنی بڑی ہیں کہ جوتوں کا ایڑی والا حصہ گھر کی چھت کے برابر پہنچا ہوا ہے۔ اینڈی کا کہنا ہے کہ ’’میری بیوی ہر وقت مجھے نئے جوتے دلانے کو کہتی رہتی تھی۔ میں یہ جوتے خرید کر لے آیا ہوں۔ میرے خیال ہے کہ شاید اتنے بڑے جوتے لینے کے بعد اب اس کا یہ جنون ختم ہو جائیگا۔اینڈی نے یہ جوتے 500پاؤنڈ (تقریباً ساڑھے 6ہزار روپے)میں بنوائے تھے۔