ممبئی(مانیٹرنگ ڈیسک) بھارت کے سب سے بڑی فلمی میلے میں چارپاکستانی فنکاروں کومختلف ایوارڈزدینےکےلئے نامزدکیاگیاہے جوکہ اس میلے میں ایک نیاریکارڈہے ۔بھارتی میڈیارپورٹس کے مطابق بھارت کے سب سے بڑے فلمی ایوارڈز فلم فئیر کے لئے ایوارڈز کی مکمل نامزدگیاں جاری کردی گئی ہیں
بھارت کے اس فلمی میلے میں پاکستانی اداکار فواد خان کو فلم ‘کپور اینڈ سنز’ میں بہترین معاون اداکار کے لیے نامزد کیا گیا ہے جبکہ ان کے مقابلے میں بھارتی فلم انڈسٹری کے معروف اداکار رشی کپور ہیں جو بطور معاون اداکار سٹار سکرین ایوارڈ اور سٹار ڈسٹ ایوارڈ کے اعزازات حاصل کرچکے ہیں جبکہ فواد خان کو گذشتہ سال فلم ‘خوبصورت’ کے لیے ‘بیسٹ میل ڈبیو’ کا ایوارڈ مل چکا ہے۔اسی طرح پاکستانی گلوکارعاطف اسلم فلم رستم کے گیت کی وجہ سے مقابلے میں شامل کئے گئے ہیں اورراحت فتح علی خان کوسلمان خان کی فلم سلطان کے گیت کی وجہ سے نامزدکیاگیاہے۔رگلوکاری قرۃ العین کوفلم پنک کے گیت کی وجہ سے اس فلمی میلے میں ایوارڈسے نوازاجائے گا۔
واضح رہے کہ بھارتی انتہاپسندوں کی دھمکیوں اورپاک بھارت کشید ہ تعلقات کی وجہ سے سٹار سکرین ایوارڈ اور سٹار ڈسٹ ایوارڈ ز کی تقریب میں کسی بھی پاکستانی فنکارکوشامل نہیں کیاگیاتھا۔
