قاہرہ(این این آئی)مصر میں ایک نوجوان جوڑے کی وڈیو نے سماجی رابطے کی ویب سائٹوں کو گرما کر رکھ دیا۔ وڈیو میں نوجوان لڑکے اور لڑکی کو “دوگانا” گاتے ہوئے دیکھا جا سکتا ہے جس میں وہ اپنے درمیان مستقبل میں ہونے والے جھگڑے کی کہانی بیان کر رہے ہیں۔غیرملکی خبررساں ادارے کے مطابق اس جوڑے نے مذکورہ گانے کے ذریعے اپنی منگنی کی تقریب میں آنے والے مہمانوں کو حیران کر دیا۔ گانے میں ان مشکلات کا ذکر کیا گیا ہے جو شادی کے بعد روز مرہ کے مسائل اور بیوی کی طرف سے شوہر کے بعض مطالبات کو مسترد کرنے کی صورت میں سامنے آ سکتے ہیں۔گانے میں دونوں منگیتروں کے بعض دوست اور عزیز و اقارب نے بھی ساتھ دیا۔اس وڈیو کو سوشل میڈیا پر شیئر کیے جانے کے فورا بعد ہی ہزاروں افراد نے اس کو دیکھا اور اس کو پسند بھی کیا.. ساتھ ہی نسبت طے ہونے پر اس جوڑے کے لیے نیک خواہشات کا اظہار کیا۔