نئی دہلی(این این آئی)پاکستان کیخلاف جاسوس آبدوز بھیجنے کے بعد بھارت نے اچانک کیا چیز میدان میں اتارلی ؟بھارتی بحریہ نے مقامی طور پر تیار کردہ چار اقسام کے سونارز متعارف کروادئیے۔بھارتی ٹی وی کے مطابق بھارتی بحریہ نے دعویٰ کیا ہے کہ غرقاب آبدوزوں کا پتہ لگانے والے ان سونارز سے سمندروں کے اندر جاسوسی میں مدد ملے گی۔بھارتی وزیردفاع منوہرپاریکر نے یہ سونارز بحریہ کے حوالے کرتے ہوئے ملکی افواج کی تعریف کی ہے، ان کا کہنا تھاکہ آنے والے دنوں میں فورسز کے درمیان تعاون کو مزید بڑھایا جائے گا۔
واضح رہے کہ اس سے قبل پاک بحریہ نے بھارتی آبدوز کی پاکستانی سمندتی حدود میں کوشش کو ناکام بنا تے ہوئے اسے مار بھگا یا ہے ۔ ترجمان پاک بحریہ کے جاری کردہ بیان کے مطابق بھارتی آبدوز نے پاکستان کی سمندری حدود میں داخل ہوتے ہوئے اپنی موجودگی کو خفیہ رکھنے کی کوشش کیمگر پاک بحریہ کے ہر دم جاگتے جانباز سپوتوںان کی مذموم کوشش کو ناکا م بناتےہوئے انہیں مار بھگایا ۔ جیسے ہی بھارتی آبدوز وطن عزیز کی سرحدوں کی طرف آئی ، پاک بحریہ کے فلیٹ یونٹس نے اس کا تعاقب کرتے ہوئے انہیں بھاگنے پر مجبور کر دیا ۔ ترجمان پاک بحریہ کا کہنا تھا کہ بھارت ہماری طرف ہر طرف سے حملےکرنے کی کوشش کر رہےمگر ہم انہیں کامیاب نہیں ہونے دیں گے۔