سرینگر (مانیٹرنگ ڈیسک)مقبوضہ کشمیرمیں بھارتی فوجیوں کی پراسرار اموات،بھارت کیلئے ا یک اورمسئلہ کھڑاہوگیا،تعداد360ہوگئی،مقبوضہ کشمیرکے ضلع پونچھ کے علاقے مینڈھر میں ایک بھارتی فوجی نے خودکشی کر لی ہے ۔ کشمیرمیڈیاسروس کے مطابق 23سالہ انیل بورا نامی فوجی نے مینڈھے کے علاقے پیر پنچھل میں واقع فوجی کیمپ میں خودکو پھندہ لگا کر خودکشی کی جس سے مقبوضہ کشمیرمیں خودکشی کرنے والے فوجیوں اور پولیس اہلکاروں کی تعداد بڑھ کر 360ہو گئی ہے ۔ ادھر جموں ریلوے اسٹیشن کے قریب شو مارکیٹ سے ایک لاش برآمد ہوئی ہے۔دریں اثناء کٹھ پتلی انتظامیہ نے مقبوضہ کشمیر کے مختلف علاقوں میں گزشتہ تین ماہ کے دوران سات ہزار سے زائد افراد کو گرفتار کیا ہے۔ کشمیرمیڈیاسروس کے مطابق کواسلام آباد کے علاقے کوکرناگ میں معروف کشمیری مجاہد کمانڈر برھان وانی کے قتل کے بعد نوجولائی سے اب تک مقبوضہ علاقے میں بھارتی پولیس کریک ڈاؤن آپریشنز کے دوران ہر گھنٹے میں کم سے کم چار کشمیریوں کو گرفتار کیا ہے۔ بھارتی پولیس نے اس دوران امتحانات کے بعد طلباء کو گرفتار کیا جبکہ ہسپتالوں اور گھروں سے زخمیوں کو بھی حراست میں لے لیا ۔ گزشتہ ہفتے پولیس نے پورے جموں وکشمیر سے کم سے کم 446کشمیریوں کو گرفتار کیا ۔اعدادو شمار کے مطابق گزشتہ تین ماہ کے دوران پکڑ دھکڑ کی اس کارروائی کو مقبوضہ کشمیر کی تاریخ کی سب سے کارروائی قراردیا جارہا ہے ۔ اس عرصے کے دوران پانچ سو سے زائد کشمیریوں پر کالاقانون پبلک سیفٹی ایکٹ لاگو کیاگیا ۔

موضوعات:مقبوضہ کشمیر