اسلام آباد(مانیٹرنگ ڈیسک) وزیراعظم نواز شریف سے وزیر داخلہ چوہدری نثار نے اہم ملاقات کی، ملاقات میں خبر فیڈ کرنے کے معاملے کی تحقیقات خود کرنے کی ہدایت کی۔ایک نجی ٹی وی کی رپورٹ کے مطابق وزیراعظم ہاؤس اسلام آباد میں منگل کے روز وزیراعظم نواز شریف سے وزیر داخلہ چوہدری نثار نے ملاقات کی، ملاقات میں انگریزی اخبار کے صحافی سرل المیڈ کے معاملے پر غور کیا گیا۔وزیراعظم نے وزیر داخلہ کو قومی سلامتی کے اجلاس کی خبر لیک ہونے کے معاملے کی تحقیقات خود کرنے کی ہدایت کرتے ہوئے کہا کہ آپ پر پورا اعتماد ہے لہذا اس خبر کی آزادانہ اور غیر جانبدارانہ تحقیقات کی جائیں۔واضح رہے کہ آٹھ اکتوبر کو انگریزی اخبار ڈان میں وزیراعظم کی زیرصدارت ایک اعلیٰ سطح کے قومی سلامتی کمیٹی اجلاس سے متعلق من گھڑت خبر شائع ہوئی تھی جس پر اعلیٰ قیادت کی جانب سے شدید تشویش کا اظہار کیا گیا۔سیاسی وعسکری قیادت نے اس خبر کو رپورٹنگ کے عالمی اصولوں کی خلاف ورزی قراردیتے ہوئے کہا کہ خبرمیں غیرمستند اور گمراہ کن مواد شامل کرکے قومی سلامتی سے متعلق ریاستی مفادات کوخطرے میں ڈالا گیا

موضوعات:چوہدری نثار وزیراعظم