لاہور(این این آئی ) لاہور ویسٹ مینجمنٹ کمپنی نے اورنج لائن میٹرو ٹرین منصوبے کے زیر تعمیر ٹریک کی صفائی رکھنے کی مد میں لاہور ڈویلپمنٹ اتھارٹی کو بھاری بل بھجوا دیا ۔ ایل ڈبلیو ایم سی کے ایم ڈی بلال مصطفی سید کی جانب سے 2015ء سے آج تک اورنج لائن میٹر و ٹرین کی صفائی کا 8کروڑ 47لاکھ 22ہزار 5سو 16روپے کا بل ایل ڈی اے کو بھجوایا ہے ۔ ایل ڈبلیو ایم سی حکام کے مطابق پیکج ون کی صفائی کی مد میں 6کروڑ 21لاکھ کا بل بھجوایا گیا جبکہ پیکج ٹو کی صفائی کی مد میں 2کروڑ 25لاکھ روپے کا بل بھجوایا گیا ۔ حکام کے مطابق ایل ڈبلیو ایم سی نے 8ماہ میں 3ہزار 8سو 64ٹن ملبہ اور کوڑا اٹھایا ،157ملازمین روزانہ ڈیوٹی دیتے رہے جبکہ 4ٹریکٹر 7 ڈمپر ،3مکینکل سوےئپرز ،واٹر باؤزرز اورنج لائن پر موجو د رہے ۔

موضوعات:اورنج ٹرین