اسلام آباد(مانیٹرنگ ڈیسک) مسلم لیگ ن کے سندھ سے واحد رکن قومی اسمبلی عبدالحکیم بلوچ پیپلز پارٹی میں شامل ہو گئے ہیں۔ عبدالحکیم بلوچ وزیر اعلی سندھ سید مراد علی شاہ کے ہمراہ آج وزیر اعلی ہاؤس میں پیپلز پارٹی میں شمولیت کا باضابطہ اعلان کریں گے۔ اس موقع پر وہ اپنی قومی اسمبلی کی رکنیت سے استعفی دینے کا بھی اعلان کریں گے۔
واضح رہے کہ پاکستان تحریک انصاف نے رائے ونڈ میں میدان سجانے کیلئے تیاریاں شروع کر دی ہیں۔ 15کنٹینرز، خار دار تاریں، لوہے کے پائپس اور لوہے کی چادریں بھی اڈا پلاٹ جلسہ گاہ میں پہنچا دی گئیں۔ پاکستان تحریک انصاف کے ایم پی اے شعیب صدیقی نے انتظامات کا جائزہ لیا اور 30 ستمبر کے جلسے کی تیاریوں کیلئے پرجوش دکھائی دیئے۔ شعیب صدیقی کا کہنا تھا کہ دھرنے کیلئے 40 کنٹینرز منگوائے گئے ہیں جبکہ 29 ستمبر تک تمام انتظامات مکمل کر لئے جائیں گے۔ رائیونڈ مارچ میں کسی بھی ناخوشگوار واقعے سے بچنے کیلئے حفاظتی انتظامات کے ساتھ ساتھ نئی فورسز بھی معرض وجود میں آچکی ہیں ۔ سیاسی مبصرین کے مطابق ن لیگ اور تحریک انصاف میں ہاتھا پائی کا خدشہ بھی ہے۔