حافظ آباد (این این آئی)ضلعی انتظامیہ نے ماہ محرم الحرام کے دوران امن وامان قائم رکھنے کیلئے کالعدم سپاہ صحابہ پاکستان کے سربراہ مولانا محمد احمد لدھیانوی سمیت 13علماء کرام کی ضلع حافظ آباد کی حدود میں داخلے پر پابندی عائد کر دیا ہے جبکہ چھ رہنماؤں کی زبان بندی کے احکامات بھی جاری کئے گئے ہیں۔ جن علماء کرام پر پابندی عائد کی گئی ہے ان میں مولانا محمد احمد لدھیانوی جھنگ‘ مولانا محمد الیاس گھمن سرگودھا‘ مولانا عبدالعزیز لال مسجد اسلام آباد‘ مولانا معاویہ اعظم جھنگ‘ مولانا سید ضیاء اللہ شاہ بخاری گجرات‘ مولانا سید سبطین شاہ نقوی سرگودھا‘ مولانا عبدالرؤف یزدانی گوجرانوالہ‘ اظہر حسین حیدری گوجرانوالہ‘ علامہ راجہ ناصر عباس راولپنڈی‘ آصف رضا علوی گڑھ مہاراجہ‘ مولانا علی ناصرتلہاڑا سیالکوٹ‘ مولانا محمد یوسف رضوی المعروف ٹوکا بلوال‘ مولانا سید عرفان شاہ مشہدی منڈی بہاؤالدین جبکہ جن رہنماؤں کی زبان بندی کی گئی ہے ان میں ذاکر مختار حسین قمی‘ رانا جمشید عباس تبسم عرف بمبو‘ جاوید اقبال فاروقی‘ سید اظہر حسین کاظمی ‘رانا غلام صفدراور زوار محمد افضل شامل ہیں۔