اسلام آباد (مانیٹرنگ ڈیسک)بھارت اور پاکستان کے حالات سے سب ہی واقف ہیں ۔ بھارت پاکستان کی عزت اچھالنے کا کوئی موقع ہاتھ سے جانے نہیں جانے دیتا۔وقتاََ فوقتاََ کوئی نہ کوئی شوشہ چھوڑنا انڈیا کی عادت ہے ۔اب بھارتی فلمی دنیا کے معروف ترین اداکار سلمان خان کے والد سلیم خان جو ایک لکھاری بھی ہیں نے اپنے ٹوئٹ میں وزیر اعظم پاکستان نواز شریف کیخلاف نئی بحث کا آغا ز کر دیا ہے ۔سلیم خان نے اپنے ٹوئٹ میں کہا کہ نوازشریف ایسے وزیر اعظم ہیں جن کی کوئی نہیں سنتا ۔سماجی رابطے کی ویب سائٹ ٹوئٹر پر سلیم خان نے پاکستانی وزیراعظم کی عزت اور احترام کو بالائے طاق رکھتے ہوئے نہایت غلیظ زبان کا استعمال کیا ۔سلیم خان کا کہنا تھا کہ معذرت کے ساتھ، مگر جن لوگوں نے آپ کا نام رکھا اگر ان کو مستقبل اور آپ کے کردار کا انداز ہوتا تو وہ کبھی بھی آپ کا نام نواز شریف نہیں بلکہ “بے نواز شریر” رکھتے۔اپنی ٹوئٹ میں سلیم خان کا مزید کہنا تھا کہ “نواز شریف آپ کی تو یہ اوقات ہے کہ خود آپ کے ملک میں آپ کی کوئی نہیں سنتا، نہ آپ کے لوگ، نہ آپ کی آرمی اور نہ آپ کی پارلیمنٹ”۔انہوں نے کہا کہ “مجھے تو ڈر ہے کہ واللہ آپ کے گھر والے بھی آپ کی سنتے ہونگے یا نہیں”۔ تعجب کی بات ہے کہ ایک ایسی صورت حال میں جب کوئی آپ کی بات سننے میں دلچسپی نہیں رکھتا، آپ پوری دنیا میں گھوم کر بھارت کی شکایت کرتے پھر رہے ہیں، کیا آپ کو لگتا ہے کہ کسی نے آپ کی بات پر توجہ دی ہوگی یا سنا ہوگا ؟۔
Ironic then that you are going around the world complaining about India. Is anyone listening ??
— Salim Khan (@luvsalimkhan) September 20, 2016
your army, your parliament or your people. Wonder if your respected family listens to you ???
— Salim Khan (@luvsalimkhan) September 20, 2016
they would have named you Be-Nawaz Sharir.A big blunder has been comitted. Its your own admission that no one listens to u in Pakistan be it
— Salim Khan (@luvsalimkhan) September 20, 2016
پاکستان کے خلاف بھارتی جرنیلوں اور مختلف لوگوں کی ہرزہ سرائی ایک عام سی بات ہے مگر سلیم خان کی جانب سے نواز شریف کیخلاف پہلی بار اس قسم کے بیانات سامنے آئے ہیں ۔
