اسلام آباد (مانیٹرنگ ڈیسک) سینیٹ میں پاکستان مسلم لیگ (ن ) کے پارلیمانی رہنما سینیٹرمشاہد اللہ خان نے کہاہے کہ کہ عمران خان خالی بڑھکیں مارتے رہتے ہیں، یہ گھر کے اندر گھس بھی جائیں، تب بھی ان کی تسلی نہیں ہوگی۔ایک نجی ٹی وی سے گفتگوکرتے ہوئے مشاہداللہ خان نے عمران خان کی جانب سے رائے ونڈ مارچ کی تاریخ پر ردعمل ہوئے کہاکہ رہنمائوں کاکام مارنانہیں مارنے والے کوبچاناہوتاہے ۔انہوں نے عمران خان پرتنقید کرتے ہوئے کہاکہ عمران خان خالی بڑھکیں مارتے رہتے ہیں، پچھلے تین سال میں تحریک انصاف نے کوئی مثبت کام نہیں کیا، عمران خان نے لوگوں کے مینڈیٹ کو پیروں تلے کچل دیا۔سینٹرمشاہد اللہ نے تحریک انصاف کے سربراہ کومشورہ دیاکہ کہ عمران خان کو بڑھکیں مارنے سے پرہیز کرنا چاہیے، لوگوں کے گھروں پر جانےکی روایات درست نہیں ہے، پاکستان میں لوگوں کے گھروں پر احتجاج نہیں ہوتا، پچھلے سوا 3 سال سے انہوں نے ایک مثبت کام نہیں کیا، ان کی اپنی جماعت ٹوٹ پھوٹ کا شکار ہے،عمران کو چاہئے کہ وہ اپنی پارٹی سنبھالیں۔انہوں نے کہاکہ تحریک انصاف کواگرعمران خان اپناگھرسمجھتے ہیں تواس کی خبرلیں ان سے توان کے کارکن بھی راضی نہیں ۔ دوسری جانب رائے ونڈ اور اپنے قائد کے بچاؤ کیلئے ن لیگی جیالے بھی میدان میں آگئے ہیں اور پی ٹی آئی کھلاڑیوں کو سبق سکھانے کیلئے ڈنڈا بردار فورس بنانے کا اعلان کیا ہے۔

موضوعات:سینیٹرمشاہد اللہ خان