اسلام آباد (مانیٹرنگ ڈیسک )نندی پور پاور سٹیشن میں ریکارڈ پھاڑنے اورجلانے کاواقعہ۔ ایم ڈی پیپکو اسلام آباد کی سربراہی میں دوسری ٹیم 28 ستمبر کو انکوائری رپورٹ وفاقی حکومت کو پیش کرے گی۔ایک نجی ٹی وی کے مطابق نندی پور پاور سٹیشن میں ریکارڈ پھاڑنے کی کارروائی کوئی باہر سے نہیں کر سکتا، اندر کا ہاتھ ملوث ہے، ابتدائی تحقیقات مکمل کر لی گئی ہیں۔ ایم ڈی پیپکو اسلام آباد کی سربراہی میں دوسری ٹیم 28 ستمبر کو انکوائری رپورٹ وفاقی حکومت کو پیش کرے گی۔چھ ستمبر کو نندی پور پاور سٹیشن میں آئل کی خریداری اور اہم فائلز پھاڑنے کا واقعہ پیش آیا۔ وفاقی حکومت نے سی ای او جنکو پاور سٹیشن مظفر گڑھ کی سربراہی میں تحقیقاتی ٹیم مقرر کر دی۔ انکوائری رپورٹ میں واقعہ کو اندرونی سکیورٹی کی ناکامی قرار دیا گیا ہے اور کہا گیا ہے کہ ریکارڈ کو پھاڑنے کی کارروائی کوئی باہر سے نہیں کر سکتا، واقعہ میں اندر کا ہاتھ ملوث ہے۔انکوائرٹیم کے سربراہ نے بتایاکہ خوردبرد میں مبینہ طور پر ملوث سٹور کیپر عمر فاروق نے بیان دیا کہ اسکے پرائز بانڈ نکلے تھے جن سے اس نے لگژری گاڑی اور ملتان میں قیمتی اراضی خریدی۔ ابتدائی رپورٹ پیر کو وزارت پانی و بجلی کو پیش کی جائیگی جبکہ ایم ڈی پیپکو اسلام آباد کی سربراہی میں دوسری ٹیم 28 ستمبر کو رپورٹ وفاقی حکومت کو پیش کرے گی۔ایم ڈی پیپکونے کہاکہ اس واقعہ میں ملوث کسی بھی شخص کونہیں چھوڑاجائے گااوروزیراعظم کے حکم پرہمیں مکمل طورپرخودمختاری حاصل ہے ۔ادھرذرائع کاکہناہے کہ ملزم کی طرف سے پرائزبانڈزنکلنے کی تحقیقات کے لئے سٹیٹ بینک سے رابطہ کیاجاسکتاہے جس سے حقیقت سامنے آجائے گی ۔