اسلام آباد (مانیٹرنگ ڈیسک) سینئر صحافی اور رپورٹر رؤکلاسرا نے سنسنی خیز انکشاف کیا ہے کہ وہ پچھلے دھرنے کے دوران حکومت اس پوزیشن پر پہنچ گئی تھی کہ اگر عمران خان تھوڑی سی سیاسی بلوغت کا مظاہرہ کرتے تو وہ آسانی سے حکومت گرا سکتے تھے مگر انہوں نے وہ موقع گنوا دیا۔
تفصیلات کے مطابق نجی ٹی وی چینل کے پروگرام میں عمران خان اور آرمی چیف جنرل راحیل شریف کے مابین ہونے والی ملاقات پر تبصرہ کرتے ہوئے انہوں نے کہا کہ پچھلے دھرنے کے موقع پر وہ حکومت کو اس مقام پر لے آئے تھے جب حکومت کے پاس کوئی راستہ نہیں رہ گیا تھا اور حکومت نے فوج سے مدد کی درخواست کی تھی اور راحیل شریف نے جب عمران خان سے اس سلسلہ میں ملاقات کی تو عمران خان اپنے مطالبات پر سختی سے قائم رہے جس پر راحیل شریف نے معذرت کر لی کہ وہ پروٹول اور فرائض کے باعث نواز شریف سے استعفیٰ طلب نہیں کر سکتے مگر وہ ان کی چھ میں سے باقی پانچ شرائط پوری کروا سکتے ہیں مگر عمران خان اپنی تمام شرائط پوری کروانے کی ضد پر قائم رہے جس کے باعث انہوں نے موقع گنو ا دیا اور اب وہ راحیل شریف سے پانچ منٹ یا دس منٹ کی ملاقات سے اب کچھ نہیں ہو سکتا کیوںکہ ایسے مواقع سیاست بار بار نہیں آتے ۔

موضوعات:تہلکہ راحیل شریف عمران خان