اسلام آباد(مانیٹرنگ ڈیسک) فاروق ستار کو گرفتار کرکے شہرت کی بلندیوں کو چھونے والے رینجرز افسر رانا ٹھاکر کے بعد حیدر آباد سے تعلق رکھنے والے رینجر انسپکٹر اسد کھوسو کی الطاف حسین کے دفاتر پر چڑھائی کی وڈیو نے دھوم مچا دی۔ نجی ٹی وی رپورٹ کے مطابق مونچھوں کو تاؤ دیتے ہوئے اسد کھوسو نے ایم کیو ایم کے دفاتر کو تہس نہس کر کے رکھ دیا ہے۔
تفصیل کے مطابق اسد کھوسو سندھ رینجرز سے کے دبنگ آفیسر ہیں اور انسپکٹر کے عہدے پر فائز ہیں۔ نجی ٹی وی رپورٹ کے مطابق اسد کھوسو شہر بھر میں الطاف حسین کی تصاویر اتروانے اور دفاتر کو مسمار کروانے پر مامور ہیں۔ اسد کھوسو کے اس ضمن میں دبنگ ایکشن کو عوامی سطح پر خوب سراہا جا رہا ہے۔ دبنگ انسپکٹراسد کھوسو ایم کیو ایم کیخلاف آپریشن میں پیش پیش نظر آ رہے ہیں۔

موضوعات:ایم کیو ایم رینجر افسر