لندن(این این آئی) شراپ شائر کے علاقے مارکیٹ ڈریٹن کی رہائشی 28سالہ جینیفر لیمپ نے شراب کے نشے میں دھت ہو کر اپنے دو پالتوں سانپوں کے سر قینچی سے کاٹ کر نگل لیے۔ پولیس اطلاع ملنے پر جب وہاں پہنچی تو سانپوں کے بل کھاتے ہوئے سر کٹے خون آلود جسم جینیفر نے اپنی گردن میں لپیٹ رکھے تھے جبکہ ان کے سر اس کے ٹراؤزر کی جیب میں تھے۔برطانوی اخبار کے مطابق جینیفر نے پولیس کو بتایا کہ میں نے سر نگل لیے تھے، تاہم میں انہیں اپنے پاس رکھنا چاہتی تھی، اس لیے میں نے قے کرکے یہ سر دوبارہ پیٹ سے نکال لیے۔ پولیس نے جینیفر کو گرفتار کرکے عدالت میں پیش کر دیا جہاں سے اسے چار ماہ قید کی سزا سنادی گئی تاہم بعد ازاں عدالت نے اس کی سزا معطل کرتے ہوئے اس پر 5سال کے لیے پالتو جانور رکھنے پر پابندی عائد کر دی۔